கம்மங்கதிர்சோளக்கதிர்
மிளகாய்ப் பழம்
பறிக்க
கூட்டமாய் வரும்
பச்சைக் கிளிகளை விரட்ட
பரணையில் ஏறி
தகரடின் தட்டுவோம்
படபடக்க பறக்கும் சில
கூட்டமாய இறங்கும் சில
தவுட்டுக் குருவி
சிட்டுக் குருவி
மைனா...
இந்தப் பக்கம் விரட்ட
அந்தப் பக்கம் ஓடும்
அந்தப் பக்கம் விரட்ட
இந்தப் பக்கம் ஓடும்
முதலில் பயந்த
ராக்காச்சிப் பொம்மைகளின் மீதே
துணிவோடு அமர்ந்து
பேசி பழகிக் கொள்ளும்
பசி தீரும் வரை சாப்பிடுகிற
குழந்தைகளை எப்படி விரட்ட
முடிந்தது என்னால்.
- செஞ்சி தமிழினியன்.
No comments:
Post a Comment